ब्राउन सुगरसहित जितपुरका थापा पक्राउ
काठमाडौं - प्रतिबन्धित लागू औषध ब्राउन सुगरसहित एक जना पक्राउ परेका छन् । काठमाडौं तारकेश्वर नगरपालिका - ३ जितपुरका ४२ वर्षाीया सोभित थापालाई १० ग्राम ब्राउन सुगरसहित किर्तिपुरबाट शुक्रबार प्रहरीले पक्राउ गरेको हो ।
प्रहरी वृत्त कीर्तिपुरबाट खटिएको टोलीले विभिन्न सवारी साधनहरूको चेक जाँच गर्ने क्रममा कीर्तिपुरबाट तारकेश्वरतर्फ जाँदै गरेको बा.प्र.-०२-०२२ प ०७५० नम्बरको मोटरसाइकल चेकजाँच गर्दा चालक थापाले ज्याकेटको दाहिने गोजी भित्र प्लाष्टिकले बेरी लुकाई छिपाई ल्याएको अवस्थामा प्रतिबन्धित लागू औषध ब्राउन सुगर जस्तो देखिने पदार्थ १० ग्राम फेला पारी बरामद गरेको प्रहरीले जनाएको छ ।
यसबारे प्रहरी वृत्त कीर्तिपुरले थप अनुसन्धान भई रहेको जनाएको छ ।
प्रकाशित मिति: आइतबार, माघ ६, २०८१ २१:५५
प्रतिक्रिया दिनुहोस्
साताको लोकप्रिय
