लामाेसाँघुकाे सिन्धु विकास बैंकमा कसरी लाग्याे आगाे ?
सिन्धुपाल्चोक - सिन्धु विकास बैंककाे लामेसाँघु शाखामा आगलागी भएको छ । बलेफि गाउँपालिका - ८ लामाेसाँघुमा रहेको बैंकमा बिहान आगलागी भएको हाे ।
वडा नम्बर ८ का वडाध्यक्ष रमेश श्रेष्ठले बिहान ६:१५ मा आगलागी सुरु भएको जानकारी दिए । आगलागी इन्भर्टरकाे लाइन सर्ट भएर भएको उनले बताए । `आगलागीबाट सिन्धु विकास बैंककाे कार्यालय ध्वस्त भएको छ´, उनले भने, `सँगै रहेकाे ग्रिल्ड सहकारीमा पनि क्षति पुगेकाे छ ।´
स्थानीय, सशस्त्र प्रहरी र नेपाल प्रहरीकाे सहायताले आगाे नियन्त्रणमा आएकाे छ । आगलागीबाट भएको क्षतिकाे विवरण आइनसकेको श्रेष्ठले जानकारी दिए । इलाका प्रहरी कार्यलय बाह्रबिसेका प्रहरीले के कति क्षति भयाे अध्ययन गर्दै गरेको उनले बताए ।
प्रकाशित मिति: शनिबार, माघ ५, २०८१ ०८:३४
प्रतिक्रिया दिनुहोस्
साताको लोकप्रिय
