सिन्धुपाल्चाेक - लामाेसाँघु- जिरी सडकखण्ड आजपनि बन्द छ । ट्रकको ठक्करबाट मोटरसाइकल चालकको जलेर निधन भयपछि मृतकका आफन्तहरुले हिजो देखि अबरुद्ध गरेको सडक आज पनि बन्द गरेका छन्  । आफन्तहरुले क्षतिपूर्ति लगायतका माग पुरा नहुँदासम्म शब नउठाउने बताएका छन ।

दुर्घटनामा मृत्यु भएकाकाे शव नै सडकमा राखेर लामाेसाँघु-जिरी सडक अवरुद्ध ।
बिहीबार दोलखाबाट काठमाडौं जाँदै गरेको मालबाहक ट्र्कले विपरीत दिशाबाट आउँदै गरेको मोटरसाइकललाई लामोसाँघु जिरी सडक खण्डको ८ किलो नजिक ठक्कर दिँदा डाँडापाखरका दावा छिरिङ तामाङकाे जलेर मृत्यु भएको थियो ।

मधेश प्रदेश ०३-००२ ख ०५३४ नम्बरकाे ट्रकले बागमती प्रदेश ०२-०३३ प ७३०६ नम्बरको मोटरसाइकललाई ठक्कर दिएपछि मोटरसाइकलमा आगलागी भएको थियो । मोटरसाइकलमा लागेकाे आगाेमा परी चालकको जलेर मृत्यु भएको जिल्ला प्रहरी कार्यालय सिन्धुपाल्चोकले जनाएको छ ।