पूर्व अमेरिकी राष्ट्रपति क्लिन्टन अस्पताल भर्ना
वासिङटन डिसी - बिरामी परेपछि अमेरिकाका पूर्व राष्ट्रपति बिल क्लिन्टनलाई वासिङ्टनको जर्जटाउन युनिभर्सिटी मेडिकल सेन्टरमा भर्ना गरिएको छ ।
क्लिन्टनका डेप्युटी चिफ अफ स्टाफ एन्जल युरेनाले एक विज्ञप्तिमा पूर्व राष्ट्रपतिलाई मंगलबार दिउँसो परीक्षण र अवलोकनका लागि अस्पतालमा भर्ना गरिएको बताएकी छन्। युरेनाले आफूले पाएको हेरचाहको कदर गरेको बताए।
क्लिन्टन एक डेमोक्रेट हुन्, जसले जनवरी १९९३ देखि जनवरी २९९१ सम्म दुई कार्यकाल राष्ट्रपतिको रूपमा सेवा गरेका थिए । उनले यस गर्मीमा शिकागोमा डेमोक्रेटिक नेशनल कन्भेन्सनलाई सम्बोधन गरे र नोभेम्बरको चुनाव अघि कमला ह्यारिसको ह्वाइट हाउसका लागि प्रचार गरेका थिए ।
क्लिन्टनले ह्वाइट हाउस छाडेको वर्षहरूमा, उनले केही स्वास्थ्य चिन्ताहरूको सामना गरिरहेका छन्। सन २००४ मा ,उनको लामो समयसम्म छाती दुखाइ र सास फेर्न कठिनाइ पछि बाइपास सर्जरी गरिएको थियो भने सन २००५ मा आंशिक रूपमा बिग्रिएको फोक्सोको शल्यक्रियाको लागि अस्पतालमा भर्ना भएका थिए । साथै, २०१० मा, उनको कोरोनरी धमनीमा स्टेन्ट राखिएको थियो।
क्यालिफोर्नियामा अस्पताल पटक पटक भर्ना भएका क्लिन्टनले ठूलो मात्रामा शाकाहारी आहार अपनाएर वजन घटाएका थिए, जसका कारण उनको स्वास्थ्यमा उल्लेखनीय सुधार ल्याएको थियो । सन २०२१ मा पूर्व राष्ट्रपतिलाई संक्रमणको उपचारका लागि क्यालिफोर्नियामा ६ दिनसम्म अस्पतालमा भर्ना गरिएको थियो। अहिले उनी खतरामुक्त भएको उनको स्वकिय सचिवालयले जनाएको छ ।
प्रकाशित मिति: मंगलबार, पुस ९, २०८१ १६:१७
प्रतिक्रिया दिनुहोस्
-1736338790.png)
साताको लोकप्रिय
