काठमाडौं - बेलायत भ्रमणमा रहेका नेपाली कांग्रेसका वरिष्ठ नेता डा. शेखर कोइरालाले बेलायती स्वास्थ्य उपमन्त्री एन्ड्रु गिन्नेसँग भेटवार्ता गरेका छन् ।

वरिष्ठ नेता कोइरालाका स्वकीय सचिव दिनेशचन्द्र थपलियाले दिएको जानकारी अनुसार उनीहरू बिच संसद भवन (हाउस अफ कमन्स)मा भेट भएको हो । 

भेटमा नेपालको स्वास्थ्य क्षेत्रको अवस्था र स्वास्थ्य बीमाका बारेमा कुराकानी भएको थपलियाले जानकारी दिए । कोइरालाले नेपालको स्वास्थ्य क्षेत्र सुधारका लागि गिन्नेसँग सहयोगको माग समेत गरेको उनले बताए ।