सैफ अली खानमाथि छुरा प्रहार
काठमाडौं - बलिउड अभिनेता सैफ अली खानमाथि गएराति छुरा प्रहार भएको छ ।
एक अज्ञात व्यक्तिले सैफ अली खानको घरमा प्रवेश गरेर छुरा प्रहार गरेका हुन् । 'सैफ र ती व्यक्तिबीच झडप भएको थियो । यसमा अभिनेता घाइते भएका छन् र उनको उपचार भइरहेको छ।' यसबारे अनुसन्धान भइरहेको प्रहरी अधिकारी दीक्षित गोदमले जानकारी दिए ।
अङ्ग्रेजी पत्रिका हिन्दुस्तान टाइम्सको रिपोर्ट अनुसार राति करिब २.३० बजे सैफ अली खान र उनकी पत्नी करीना कपूरको बान्द्राको घरमा चोर पसेको थियो । यस समयमा सैफ अली खान आफ्नो परिवारसँग घरमा थिए।
घटनास्थलबाट चोर भागेको र प्रहरीले आक्रमणकारीको खोजी गरिरहेको बताएको छ ।
सैफ अली खानलाई लीलावती अस्पतालमा भर्ना गरिएको छ।
प्रकाशित मिति: बिहीबार, माघ ३, २०८१ १०:०२
प्रतिक्रिया दिनुहोस्
साताको लोकप्रिय
