काठमाडौँ - सन् १९५९ जनवरी ९ मा हेनरी ई. स्टेबिन्सलाई नेपालका लागि पहिलो आवासीय अमेरिकी राजदूतको रूपमा आधिकारिक रूपमा नियुक्त गरियो। यो नियुक्तिले अमेरिका र नेपालको कूटनीतिक सम्बन्धमा महत्वपूर्ण कोसेढुङ्गा स्थापित गर्याे । किनभने पहिलो पटक अमेरिकी राजदूत काठमाडौंमा स्थायी रूपमा कार्यरत हुने भएका थिए ।

स्टेबिन्सको नियुक्ति अघि नेपालमा अमेरिकी कूटनीतिक गतिविधिहरू छिमेकी देशहरूमा रहेका गैर-आवासीय राजदूतहरूबाट हुन्थे । स्टेबिन्सको आगमनले शीतयुद्धको समयमा अमेरिका-नेपाल सम्बन्धको महत्वलाई झल्कायो र दक्षिण एसियामा आफ्नो उपस्थिति मजबुत बनाउन अमेरिकाले सुरु गरेकोे थियोे ।

स्टेबिन्सले आफ्नो नियुक्तिपछि सन् १९५९ नोभेम्बर २५ मा औपचारिक रूपमा नेपाल सरकारसमक्ष आफ्नो प्रमाणपत्र पेश गरेका थिए।  यो कार्यक्रमले दुई देशबीच विकसित हुँदै गरेको कूटनीतिक सम्बन्धलाई झल्काउँथ्यो। उनको कार्यकालमा उनले मुख्य रूपमा आर्थिक सहयोग, विकास कार्यक्रमहरू र सांस्कृतिक आदानप्रदानका क्षेत्रमा दुई पक्षीय सहयोगलाई प्रवर्द्धन गर्ने काममा ध्यान केन्द्रित गरेका थिए । जसले नेपाललाई लामो समयपछि विश्व समुदायसँग नजिकिन मद्दत पुर्‍यायोकाे थियाे ।

स्टेबिन्सको भूमिकाले अमेरिका-नेपाल दीर्घकालीन कूटनीतिक सम्बन्धको आधार स्थापित गर्न महत्वपूर्ण भूमिका खेलेकाे थियाे । जसले आजसम्म पनि निरन्तर विकास गर्दै आइरहेको छ।