दुई वटा समितिको बैठक बस्दै, यस्ता छन् कार्यसूची
काठमाडौं - सङ्घीय संसद् अन्तर्गत आज दुई वटा समितिको बैठक बस्दै छ ।
आइतबार राष्ट्रिय सभा अन्तर्गतको विधायन व्यवस्थापन समिति बैठक र राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्याङ्कन समितिको बैठक बस्न लागेको हो ।
बिहान ११ बजे सिंहदरबारमा बस्ने विधायन व्यवस्थापन समितिको बैठकमा पानीजहाज (सञ्चालन तथा व्यवस्थापन) विधेयक, २०८१ माथि दफावार छलफल गर्ने कार्यसूची रहेको छ ।
त्यस्तै, राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्याङ्कन समितिको बैठक बिहान साढे ८ बजे बस्दैछ । बैठकमा नेपाल सरकारले प्रस्तुत गर्ने आ.व. २०८२÷०८३ को नीति तथा कार्यक्रम र बजेटका सिद्धान्त तथा प्राथमिकताका लागि समितिको तर्फबाट सुझाव सम्बन्धमा छलफल गर्ने कार्यसूची छ ।
प्रकाशित मिति: आइतबार, वैशाख १४, २०८२ ०९:४०
प्रतिक्रिया दिनुहोस्
थप समाचार
साताको लोकप्रिय
