आर्मीविरूद्ध थ्री स्टारले हान्यो १० गोल
काठमाडौं - थ्री स्टार क्लबले सानादार १० गोल हानेर जित हासिल गरेको छ ।
एन्फा यु-१६ युथ लिगमा बुधबार विभागीय टोली त्रिभुवन आर्मी क्लबविरुद्ध थ्रि स्टारले सानदार १०-० को जित हासिल गरेको हो ।
सातदोबाटोस्थित अखिल नेपाल फुटबल संघ (एन्फा) मुख्यालय मैदानमा थ्री स्टारलाई जित दिलाउन सिर्जन श्रेष्ठ र रोहन बम्जनले ह्याट्रिक पूरा गरे । यसैगरी पूर्ण श्रेष्ठले दुई तथा भुपेन्द्रबहादुर रावत र जोंगसेन खेन्चो काजीले समान एक गोल थपे ।
यस सानदार जितसँगै थ्री स्टारले दुई खेलमा चार अंक जोडेको छ भने दुवै खेलमा पराजित आर्मी अंकविहीन छ । पहिलो खेलमा थ्री स्टार एपिएफसँग गोलरिहत बराबरीमा रोकिदा आर्मीले नेपाल पुलिस क्लबसँग ७-० को हार स्विकार गर्न विवश भएको थियो ।
प्रकाशित मिति: बुधबार, पुस २४, २०८१ १६:३४
प्रतिक्रिया दिनुहोस्
साताको लोकप्रिय
