काठमाडौं - दुर्गा प्रसाईंले भारतमा आत्मसमर्पण गरेका छन् । 

प्रसाईंको सचिवालयले आफ्नो सुरक्षाका लागि  प्रसाईंले भारतको आसाम राज्यको प्रहरीसमक्ष आत्मसमर्पण गरेको सामाजिक सञ्जालमार्फत जानकारी दिएको छ । 

बुधबार प्रसाईंले फेसबुक लाइभमार्फत ज्यानको सुरक्षा भए २४ घण्टाभित्र उपस्थित हुने जनाएका थिए  ।

गत चैत १५ गते भएको राजावादी प्रदर्शन हिंसात्मक भएपछि प्रहरीले प्रसाईंको खोजी गरिरहको थियो ।  

तीनकुनेमा भएको प्रदर्शन भाँडिएपछि प्रदर्शनकारीले लिएको उग्र शैलीका कारण दुई जनाको मृत्यु भएको थियो भने निजी तथा सार्वजनिक सम्पत्तिमा तोडफोड र आगजनी भएको थियो ।