उच्च अदालतको आदेशपछि रातभर हिरासत, बिहानै विमानस्थल लगियो
काठमाडौं - राष्ट्रिय स्वतन्त्र पार्टी (रास्वपा)का सभापति रवि लामिछानेलाई उच्च अदालत बुटवलको आदेशपछि हिजो साँझ पुनः पक्राउ गरिएपछि आज बिहान त्रिभुवन अन्तर्राष्ट्रिय विमानस्थल लगिएको छ।
लामिछानेलाई रूपेन्देहीमा थप अनुसन्धानका लागि लगिएको हो। उनलाई बिहान ९ बजेको फ्लाइटमार्फत पठाइँदैछ।
हिजो साँझ पक्राउ परेपछि उनी रातभर जिल्ला प्रहरी परिसर, काठमाडौंको हिरासतमा थिए। आज बिहानै उनलाई विमानस्थल लगिएको पुष्टि प्रहरी स्रोतले जनाएको छ।
उच्च अदालत बुटवलले लामिछानेमाथि थप अनुसन्धान गर्न अनुमति दिँदै पक्राउ आदेश जारी गरेसँगै यो नयाँ चरणको कार्यवाही सुरु भएको हो।
प्रकाशित मिति: शनिबार, चैत २३, २०८१ ०८:३०
प्रतिक्रिया दिनुहोस्
साताको लोकप्रिय
