काठमाडौं - राष्ट्रिय स्वतन्त्र पार्टी (रास्वपा)को कार्यवाहक सभापतिको जिम्मेवारी उपसभापति डीपी अर्यालले पाएका छन्। 

सहकारी ठगी प्रकरणमा सभापति रवि लामिछाने पुन: पक्राउ परे पछि अर्यालले कार्यवाहक सभापतिको जिम्मेवारी पाएका हुन्।

उच्च अदालत, बुटवलले लामिछानेलाई पुन: थुनामा राख्ने आदेश दिएपछि हिजो साँझ उनी पक्राउ परेका थिए । 

पक्राउ परे लगत्तै सभापति लामिछानेले कार्यवाहक सभापतिको जिम्मेवारी अर्याललाई दिएको रास्वपाले जनाएको छ । 

लामिछानेलाई आजै रूपन्देही लगिँदैछ । हिजो रातभर उनी काठमाडौं प्रहरी परिसरको हिरासतमा थिए ।