काठमाडौं - नेपाल आर्ट काउन्सिलमा ‘कर्पोरेट लिडर क्यारिकेचर’ प्रर्दशनी सुरु भएको छ ।

कर्पोरेट नेपाल अनलाइनले आयोजना गरेको प्रर्दशनीमा आईएमई ग्रुपका अध्यक्ष चन्द्र ढकाल, गोल्ड स्टार जुत्ता कम्पनीकी विदुषी राना, शौरभ ज्योती, शेखर गोल्छालगायतका ३१ जना उद्यमी, व्यवसायीका क्यारिकेचर राखिएका छन् ।

प्रदर्शनीमा देखाइएका तस्वीरहरूमा उद्योगपति विनोद चौधरी वाइवाइ चाख्दै गरेको दृश्यमा देखिन्छन् भने, अरुण चौधरीलाई सुजुकी मोटर्समा यात्रारत देखाइएको छ। त्यस्तै, देवीप्रकाश भट्टचन आकाशमा हेलिकप्टर सवार छन्, भने पशुपति मुरारका अर्घाखाँची सिमेन्टको बोरासँग अडेस लगाइरहेका छन्। यी चित्रणहरूले मात्र होइन, व्यवसायसँग सम्बन्धित कथाहरूलाई रोचक ढंगले उजागर गरेका छन्।

यस्तै, पवन गोल्यानलाई फर्सी टिप्दै गरेको देखाइएको छ, जसले कृषि तथा उद्योगबीचको सम्बन्धलाई झल्काउँछ। एनसेलका सिइओ जबोर कयुमवलाई मोबाइलमा व्यस्त देखाइएको छ, जबकि कुशकुमार जोशी निक ट्रान्सफर्मर अगाडि गम्भीर मुद्रा लिएर केही लेखिरहेका छन्।

प्रदर्शनीमा राखिएका क्यारीकेचर कार्टुनिष्ट रवि मिश्र र अकृन अधिकारीले बनाएका हुन् । रवि नयाँ पत्रिका दैनिकका कार्टुनिष्ट हुन भने अधिकारी फ्रिलाइन्सर आर्टिष्ट हुन् ।  प्रर्दशनी भोलि(शनिबार)सम्म चल्ने छ । 

नेता, कलाकारहरूको क्यारिकेचर धेरै हुने भएपनि व्यवसायी, उद्यमीको क्यारिकेचर भने यो पहिलोपटक भएको कार्टुनिष्ट अधिकारीले बताए । 

वर्तमान समयमा आर्टमा राम्रो भविष्य रहेको उनको भनाइ छ । ‘आर्ट गर्नेहरूमा धैर्यता र लगनीशीलता चाहिन्छ’ उनले भने ‘८/१० वर्षसम्म टिक्नेलाई राम्रो भविष्य छ ।’ तर १/२ वर्षमा केही भएन भनेर आर्ट छाड्यो भनेचाँहि केही नहुने उनले बताए ।

प्रदर्शनीमा राखिएका तस्वीरहरू हेर्न मात्रै पाइन्छ । किन्नका लागि भने कर्पोरेट नेपाल अनलाइनमा सम्पर्क गर्नुपर्नेछ ।

कार्टुनहरु :-