रवि लामिछानेलाई थुनामा पठाउने आदेश
काठमाडौं - रास्वपा सभापति रवि लामिछानेलाई थुनामा पठाउने आदेश गरेको छ ।
जिल्ला अदालत रूपन्देहीको आदेश बदर गर्दै उच्च अदालत तुलसीपुरले थुनामा पठाउने आदेश गरेको हो ।
उच्च अदालतका न्यायाधीशहरू रमेश ढकाल र स्वीकृति पराजुलीको इजलासले लामिछानेलाई थुनामा पठाउने आदेश दिएको छ ।
बुटवलको सुप्रिम सहकारीको ठगी मुद्दामा जिल्ला अदालतले लामिछानेसँग १ करोड धरौटी माग गरेको थियो । सो आदेशविरुद्ध लामिछाने उच्च अदालत गएका थिए ।
सो सहकारीको ठगीमा आफू संलग्न नै नहुँदा पनि धेरै धरौटी मागिएको भन्दै लामिछानेले साधारण तारेखको माग गरेका थिए ।
उता जिल्ला सरकारी वकिल कार्यालयले भने लामिछानेलाई थुनामै राख्न माग गरेर पनि उच्चमा गएको थियो।
प्रकाशित मिति: शुक्रबार, चैत २२, २०८१ १९:३८
प्रतिक्रिया दिनुहोस्
साताको लोकप्रिय
