विशाल ग्रुपले नयाँ इभी ब्रान्ड ‘सिनोगोल्ड’भित्र्याउँदै, मूल्य ३९ लाख
काठमाडौं – नेपाली बजारमा नयाँ ब्रान्डको ईभी सेडान भित्रिने भएको छ । नेपाली बजारमा अन्य ब्रान्डका समेत सवारी साधन बिक्री–वितरण गरिरहेको भीजी मोटर्सले सिनोगोल्ड ब्रान्डको जुनजिङ–जेएक्स मोडलको ईभी सेडान भित्र्याउने भएको हो ।
भन्सार प्रयोजनका लागि सार्वजनिक गरिएको मूल्य सूची अनुसार सो ईभीको मूल्य ३९ लाख रुपैयाँ हुनेछ ।
सो ईभीमा ४८ किलोवाट आवरको ब्याट्री र ५० किलोवाटको मोटर हुनेछ । यसको अन्य जानकारी भने सार्वजनिक गरिएको छैन ।
चीनको शानडोङमा हेडक्वाटर रहेको सिनोगोल्ड ईभीको लागि विशेषज्ञ मानिने कम्पनी हो ।
भीजी मोटर्सले यो भन्दा पहिले पनि नेपाली बजारमा एसआरएम र जोयलङ लगायतका विभिन्न ईभी ब्रान्डका सवारी साधन बिक्री–वितरण गरिरहेको छ ।
प्रकाशित मिति: सोमबार, पुस २२, २०८१ १२:२१
प्रतिक्रिया दिनुहोस्
साताको लोकप्रिय
