Harsamaya
झापा र सुनसरीमा ब्राउनसुगरसहित १२ जना पक्राउ
पक्राउ। सांकेतिक तस्वीर: हर समय/Har samaya

विराटनगर - झापा र सुनसरीको विभिन्न स्थानहरूबाट लागूऔषध ब्राउनसुगर सहित प्रहरीले १२ जनालाई पक्राउ गरेको छ ।

चैत्र २० गते दिउँसो सुनसरीको कोशी गाउँपालिका–१ स्थितबाट लागूऔषध नियन्त्रण ब्यूरो विराटनगर र इलाका प्रहरी कार्यालय लौकही सुनसरीबाट खटिएको प्रहरी टोलीले चेकजाँचको क्रममा इटहरी उप–महानगरपालिका–१६ का ३४ वर्षीय  मनोज कुमार चौधरीलाई २७ ग्राम २७ मिलिग्राम र इटहरी–६ का २३ वर्षीय  सनम तामाङलाई २६ ग्राम, ईटहरी–२ का २७ वर्षीय निरज लिम्बु, २२ वर्षीय  सन्दिप मगरलाई ३ ग्राम ५६ मिलिग्राम, सुनसरी रामधुनी–९ का १६ वर्षीय आदित्या चौधरीलाई २ ग्राम १ मिलिग्राम, रामधुनीका २६ वर्षीय मनिष चौधरीलाई २ ग्राम ५६ मिलिग्राम, धरान–१७ का २८ वर्षीय बेगराज लिम्बु र ३४ वर्षीय सागर राईलाई ३ ग्राम १३ मिलिग्राम, रानधुनी–५ का २६ वर्षीय विज्ञान साहलाई ३५ ग्राम ८८ मिलिग्राम ब्राउन सुगरसहित पक्राउ गरिएको हो ।

त्यस्तै सुनसरी हरिनगर–१ स्थितमा प्रहरी चैकी भुटाहाबाट खटिएको प्रहरी टोलीले सोही स्थनाका २० वर्षीय प्रकाश कुमार दास र २२ वर्षीय रितेश कुमार मण्डललाई प्रतिबन्धित लागू औषधी नाईट्राजेपाम–१२० ट्याब्लेटसहित पक्राउ गरेको छ । 

त्यसैगरी झापाको अस्थायी प्रहरी पोष्ट नयाँ बसपार्क झापाबाट गस्तीमा खटिएको प्रहरी टोलीले बिर्तामोड नगरपालिका–४ का ३२ वर्षीय बिकी साहलाई ३४० मिलिग्राम ब्राउन सुगरसहित पक्राउ गरेको छ । लागू औषध ब्राउन सुगरसहित पक्राउ परेका उनीहरूको थप अनुसन्धान भइरहेको छ ।

प्रकाशित मिति: बिहीबार, चैत २१, २०८१  २१:५३
प्रतिक्रिया दिनुहोस्
Weather Update