कञ्चनपुरमा फेरि भेटियो वयस्क मृत हात्ती

कञ्चनपुर - कञ्चनपुरमा एक वयस्क भाले हात्ती मृत अवस्थामा भेटिएको छ ।
दोधारा चाँदनी नगरपालिका–३ बडुवाल टोलमा आज वयस्क भाले जङ्गली हात्ती मृतावस्थामा भेटिएको हो ।
हात्ती मृत फेला परेको घटनास्थलमा पशु चिकित्सक सहितको शुक्लाफाँटा राष्ट्रिय निकुञ्जको टोली पुगेर जाँच र अनुसन्धानको कार्य गरेका थिए । बिहान हात्ती मृतावस्थामा फेला परेपछि स्थानीय बासिन्दाले खबर गरे पछि निकुञ्जको टोली मृत हात्ती रहेको घटनास्थल पुगेको थियो ।
हात्तीको मृत्युको कारण भने खुल्न नसकेपनि सो हात्तीको उमेर ८ देखि १० वर्षको रहेको मानिएको छ ।
दुई महिनाअघि पनि लालझाडी गाउँपाालिकामा हात्ती मृतावस्थामा फेला परेको थियो ।
प्रकाशित मिति: बिहीबार, चैत २१, २०८१ १८:४१
प्रतिक्रिया दिनुहोस्
साताको लोकप्रिय