काठमाडौं - ‘व्यवसायिक कानुन व्यवसायी समूहका’ का उम्मेदवारले नेपाल बार एसोसिएसनलाई सरकार र दलीय हस्तक्षेपबाट मुक्त गर्न आफूहरूले जित्नुपर्ने बताएका छन् ।
बिहीबार राजधानीको संवाद डबलीले आयोजना गरेको अन्तरक्रिया कार्यक्रममा बोल्दै उनीहरूले बारमा पनि बालुवाटार र बूढानीलकण्ठको ठाडो आदेशमा आफ्ना रोजाइका व्यक्ति उम्मेदवार खडा गरेको दाबी गरे ।
सो समूहबाट अध्यक्षका उम्मेदवार वरिष्ठ अधिवक्ता रमन कुमार श्रेष्ठले एकपछि अर्को गर्दै राज्यका हरेक निकायलाई राजनीतिकरण तथा दलीयकरण गर्दा राज्य असफलताको दिशामा गइरहेको जिकिर गरे ।
२७औं बार केन्द्रीय समितिको चुनावी उम्मेदवारका लागि सत्ता गठबन्धनका दुई ठूला दल नेपाली कांग्रेसका सभापति शेरबहादुर देउवा र प्रधानमन्त्री केपी शर्मा ओलीले ठाडो हस्तक्षेप गरेको आरोप लगाउँदै श्रेष्ठले भने,‘कानुन व्यवसायीको स्वतन्त्र पेशागत धर्म र सांगठनिक आत्म निर्णयको अधिकार विरुद्ध बालुवाटर र बूढानीलकण्ठले आफ्ना मान्छे उभ्याउनु उचित हो ?’
सोही समूबाट महाचिवका उम्मेदवार अभिवक्ता यज्ञमणि न्यौपानेले देश संघीय संरचनामा गइसक्दा न्यायालय र बरमा भने अझैपनि एकात्मकता चल्दा जनताले सास्ती खेप्नु परेको बताए ।
