काठमाडौं - स्वस्थ जीवनशैली अपनाउने चाहना राख्ने धेरै मानिस बिहानको सुरुवात कागती पानीबाट गर्छन्। यो शरीरलाई डिटक्स गर्न, मेटाबोलिजम बढाउन, र दिनभरि ताजा महसुस गराउन सहयोगी मानिन्छ। तर, यदि सही तरिकाले सेवन नगरेमा, फाइदाको साटो बेफाइदा हुन सक्छ।
चर्चित सेलिब्रेटी पोषणविद् रायन फर्नान्डोले यस विषयमा आफ्नो युट्युब च्यानलमा एउटा भिडियो सेयर गरेका छन् । यस भिडियोमा डाक्टरले कागती पानी पिउनु स्वास्थ्यका लागि धेरै राम्रो हुने बताएका छन ।
पोषणविद् फर्नान्डोका अनुसार धेरै मानिस कागती पानीमा चिनी मिसाउने गल्ती गर्छन्। यसले शरीरलाई हाइड्रेसन दिनुको साटो, पानी सोस्ने काम गर्छ, जसले थकान बढाउँछ। साथै, चिनी मिसाउँदा क्यालोरी अनावश्यक रूपमा बढेर तौल नियन्त्रणमा समस्या आउन सक्छ।
रायन फर्नान्डोका अनुसार लेमोनेड बनाउँदा पनि यसमा थोरै मात्रामा चिनी पनि नथप्ननु होस् र यसबाहेक तपाईं कागती पानीमा गुलाबी नुन मिसाउन भने सक्नु हुन्छ। यसले तपाईंको शरीरमा सोडियमलाई सन्तुलनमा राख्छ। साथै, लेमोनेड बनाउँदा त्यसमा नरिवलको पानी हाल्नुहोस्।
नरिवलको पानीले शरीरमा प्राकृतिक इलेक्ट्रोलाइट उपलब्ध गराउने काम गर्छ। यसो गर्दा तपाईले दिनभर हाइड्रेटेड महसुस गर्नु हुनेछ। यस तरिकाले, तपाईंले आफ्नो दिनलाई एक सानो परिवर्तनको साथ स्वस्थ तरिकामा सुरु गर्न सक्नुहुन्छ र दिनभर फिट र सक्रिय महसुस गर्न सक्नुहुन्छ।
