काठमाडौं - कतार सरकारले विभिन्न कसुरमा सजाय पाएका १८ नेपालीलाई आममाफी दिएको छ । कतारस्थित नेपाली दूतावासका अनुसार कतार सरकारले रमदान र इदको अवसरमा थुप्रै आप्रवासीलाई आममाफी दिएकोमा १८ जना नेपालीले यो अवसर प्राप्त गरेका हुन् ।

कतारमा हाल विभिन्न कसुरमा कैद सजाय भुक्तान गरिरहेका नेपालीको सङ्ख्या तीन सयको हाराहारीमा रहेको बताइन्छ। दूतावासले आममाफीको निर्णयका लागि कतार सरकारप्रति आभार व्यक्त गरेको छ ।

नेपाल र कतार राज्यबीचको द्विपक्षीय सम्बन्धमा सौहार्दताको प्रतीकका रूपमा मानवीय आधारमा क्षमादानको यस प्रकारको कार्यलाई दूतावासले उच्च सम्मान गरेको छ ।