Harsamaya
म्याग्दी आइपुगे नयाँ शैक्षिक सत्रका पुस्तक
पुस्तक। सांकेतिक तस्वीर: हर समय/Har samaya

म्याग्दी - आगामी नयाँ शैक्षिक सत्रका लागि जिल्लाका सामुदायिक विद्यालयलाई आवश्यक पर्ने पुस्तक म्याग्दीको बेनी आइपुगेका छन् । नेपाल पुस्तक तथा स्टेसनरी व्यवसायी महासंघ म्याग्दीका सचिव ध्रुवराज सुवेदीका अनुसार जिल्लाका लागि आवश्यक पर्ने पुस्तक तयारी अवस्थामा रहेको छ ।

महासंघका अध्यक्ष नारायण शर्माका अनुसार, जिल्लाका लागि आवश्यक पर्ने कक्षा १-४ सम्मका एक हजार चार सय सेट पुस्तक म्याग्दीका लागि हिँडिसकेकाले मङ्गलबार बिहानसम्म बेनी आइपुग्ने छन्। 

अन्य कक्षाको हकमा भने कक्षा ५ का एक हजार चार सय सेट, कक्षा ६ का एक हजार दुई सय सेट, ७ कक्षाका एक हजार चार सय ५० सेट, कक्षा ८ का एक हजार छ सय, ९ कक्षाका एक हजार तीन सय र १० कक्षाका एक हजार चार सय सेट पुस्तक म्याग्दीका पसलमा आइपुगिसकेका छन् ।

जिल्लाभित्रका पुस्तक तथा स्टेसनरी व्यवसायीले सामूहिक रूपमा एउटै बिक्री केन्द्रबाट पुस्तक बिक्री वितरण गर्ने गरी बेनी बजारको बैंक रोडमा बिक्री डिपो सुरु गरिएको महासंघका कोषाध्यक्ष शान्ति आचार्यले बताए ।

प्रकाशित मिति: मंगलबार, चैत १९, २०८१  ०९:५२
प्रतिक्रिया दिनुहोस्
Weather Update