सिन्धुपाल्चोक - नेपाल पत्रकार महासंघ, जिल्ला शाखा सिन्धुपाल्चोकले गत चैत १५ गते संघीय राजधानीमा भएको हिंसात्मक प्रदर्शनप्रति गम्भीर ध्यानाकर्षण जनाएको छ।
महासंघले आज एक विज्ञप्ति जारी गर्दै प्रदर्शनका क्रममा सञ्चारमाध्यम र पत्रकारहरूलाई निशाना बनाइएको भन्दै सरकारको ध्यानाकर्षण गराएको हो।
नेपाल पत्रकार महासंघ सिन्धुपाल्चोक शाखाले सिन्धुपाल्चोक जिल्लाका प्रमुख जिल्ला अधिकारीलाई सम्बोधन गरिएको पत्रमा पत्रकार तथा सञ्चारकर्मीमाथि भएको आक्रमणको विरोध गर्दै सरकारलाई आवश्यक कदम चाल्न आग्रह गरेको छ।
विज्ञप्तिमा उल्लेख भएअनुसार, हिंसात्मक घटनाका क्रममा विभिन्न सञ्चारकर्मी र सञ्चार संस्थाहरू प्रभावित भएका छन्। नेपाल पत्रकार महासंघले घटनाको निन्दा गर्दै पत्रकारहरूको सुरक्षाका लागि सरकारलाई आवश्यक कदम चाल्न आग्रह गरेको छ। साथै, दोषीहरूलाई कानुनी कारबाही गर्नुपर्ने माग समेत गरिएको छ।
