रौतहट - नेकपा एमाले रौतहटले संविधान र गणतन्त्रको पक्षमा मोटरसाइकल र्याली निकालेको छ । गरुडाको सुगर मिलबाट सोमबार दिउँसो निस्केको र्याली राजमार्ग हुदै गौर पुगेको हो ।
चन्द्रनिगाहपुरसहित विभिन्न स्थानबाट निस्केको मोटरसाइकल र्याली पनि गरुडामा आइपुगेको थियो । जिल्लाभरीका नेता तथा कार्यकर्ताको उपस्तिथिमा एमाले रौतहटले मोटरसाइकल र्याली निकालेको हो ।
देशव्यापी कार्यक्रम अनुसार लोकतन्त्रको पक्षमा एमालेले र्याली निकालेको नेकपा एमाले रौतहटका जिल्ला अध्यक्ष सचिदानन्द साहले बताए ।
उनका अनुसार काठमाडौंको तिनकुनेमा राजावादीले गरेका घटनाको विरोध पनि गरिएको छ । राजावादीहरुले आराजक गतिविधि गरेको टिप्पणी गर्दै उनले संविधान र गणतन्त्र बिरोधी कार्यको सैह्य नहुने बताए ।
गणतन्त्र विरोधी शक्तिहरुलाई बढि नसलबलाउन समेत उनले चेतावनी दिए । यदी वर्तमान व्यवस्था प्रति कुनै किसिमको आँच ल्याउन नदिनका लागि खवरदारी मोटरसाइकल र्याली निकालिएको उनले प्रष्ट परे ।
संघीय लोकतान्त्रिक गणतन्त्रको संस्थागत बिकास गरौं र प्रतिगामी तत्वलाई परास्त गरौं भन्ने नाराका खवरदारी मोटरसाइकल र्याली निकालिएको उनको भनाइ छ । गौर राइस मिलमा पुगेर मोटरसाइकल र्याली कोणसभामा परिणत हुदै समापन भएको थियो ।
