Harsamaya
आईपीएल : दिल्ली र हैदरावाद तथा राजस्थान र चेन्नई भिड्दै
इण्डियन प्रिमियर लिग (आईपीएल) क्रिकेटमा आइतबार दुई खेल हुँदैछ । 

काठमाडौं - इण्डियन प्रिमियर लिग (आईपीएल) क्रिकेटमा आइतबार दुई खेल हुँदैछ । 

पहिलो खेलमा दिउँसो पौने ४ बजे दिल्ली क्यापिटल्स र सनराईजर्स हैदरावाद तथा दोस्रो खेलमा बेलुका पौने ८ बजे राजस्थान रोयल्स र चेन्नई सुपर किङ्ग्सबीच हुनेछ ।

गएराति भएको खेलमा गुजरात टाइटन्सले पहिलो जित निकालेको छ । अहमदावादमा भएको खेलमा गुजरातले मुम्बई इण्डियन्सलाई ३६ रनले हराएको थियो ।

जितकालागि एक सय ९७ रनको लक्ष्य पछ्याएको मुम्बईले २० ओभरमा ६ विकेट गुमाएर एक सय ६० रन बनायो । 

त्यसअघि टस हारेर पहिला ब्याटिङ गरेको गुजरातले निर्धारित २० ओभरमा आठ विकेट गुमाएर एक सय ९६ रन बनाएको थियो । उसका साई सुदर्शनले सर्वाधिक ६३ रनको योगदान गरे भने मुम्बईका हार्दिक पाण्डेयले दुई विकेट लिए ।

गुजरातले दोस्रो खेलमा पहिलो जित निकालेको हो भने मुम्बईको यो लगातार दोस्रो हार हो ।
 

प्रकाशित मिति: आइतबार, चैत १७, २०८१  ०८:१७
प्रतिक्रिया दिनुहोस्
Weather Update