म्यानमारमा भूकम्पबाट १६ सय बढीको मृत्यु
काठमाडौं - म्यानमारमा शुक्रबार गएको भूकम्पमा हालसम्म १६ सयभन्दा बढीको मृत्यु भइसकेको छ ।
म्यानमारको मिलिटरी काउन्सिलले शुक्रबारको शक्तिशाली भूकम्पबाट मृत्यु हुनेको संख्या १६४४ पुगेको जनाएको छ ।
भूकम्पका कारण घाइते हुनेको संख्या पनि ३४०८ पुगेको र १३९ जना अझै बेपत्ता रहेको सैनिक नेताहरुले बताएका छन् ।
थाइल्याण्डमा पनि भूकम्पका कारण एउटा बहुतले भवन भत्किँदा ११ जनाको मृत्यु भएको छ ।
५० जना अझै बेपत्ता छन् । अहिले पनि उद्धार कार्य जारी छ ।
म्यानमारको मण्डलेमा पनि भूकम्पले ध्वस्त भएको भवनको भग्नावशेषमुनि ९० जना फसेका छन् ।
रेडक्रस र अन्य धेरै सामाजिक सहायता समूहहरू उद्धार र राहत कार्यमा संलग्न छन्। म्यानमारको सेनाले अन्तर्राष्ट्रिय सहयोगको अपिल गरेको छ ।
गत शुक्रबार म्यानमारमा ७.७ रेक्टरको भूकम्प गएको थियो ।
प्रकाशित मिति: आइतबार, चैत १७, २०८१ ०७:०४
प्रतिक्रिया दिनुहोस्
थप अन्तर्राष्ट्रिय
साताको लोकप्रिय
