काठमाडौं - नेपाल आर्ट काउन्सिल बबरमहलमा सृजन उलकको कला प्रदर्शनी भइरहेको छ । उलक काठमाडौं विश्वविद्यालयका प्रतिभाशाली कलाकार हुन् । उनी अहिले काठमाडौं विश्वविद्यालयबाट आर्टसमा स्नातकमा अध्ययनरत छन् । भक्तपुरका स्थानीयवासी उलकको कला प्रदर्शनी काउन्सिलमा मार्च २७ देखि अप्रिल २ सम्म रहनेछ । बिहान ११ बजेदेखि साँझ ६ बजेसम्म उनको आर्टहरूको अवलोकन र खरिद गर्न सकिनेछ ।

उनले घर निर्माणमा कसरी संस्कृतिहरूलाई जीवन्त बनाउन सकिन्छ भनेर कलामार्फत देखाउन खोजेका छन् । आधुनिकीकरणसँगै सांस्कृतिक महत्व हराउँदै गएको र घर तथा मठ मन्दिर निर्माणमा पनि आधुनिकता थपिदैं गएपछि संस्कृतिलाई जोगाउन उनले विभिन्न कलाहरू कोरेका छन् । उनका आर्टहरू २५ हजारसम्मका छन् ।