सिन्धुपाल्चोक - नेपाली कांग्रेस सिन्धुपाल्चोकका सभापति जंग बहादुर लामाले राप्रपाका वरिष्ठ उपाध्यक्ष रविन्द्र मिश्र स्वार्थको झुन्ड भएको आरोप लगाएका छन् ।
शनिबार इन्द्रावती गाउँपालिकाको नवलपुरमा गाउँपालिका स्तरीय तरुण दल कार्यसमिति विस्तार कार्यक्रमलाई सम्बोधन गर्दै सभापति लामाले रविन्द्र मिश्र हिजो चुनाव लड्ने बेला चाहिँ गणतन्त्रवादी र चुनाव हारेपछी चाहिँ राप्रपामा गएर राजावादी भएको बताउदै मिश्रलाई स्वार्थको झुन्ड भएको आरोप लगाए ।
यस्तै स्वार्थको झुन्ड भएको व्यक्तिले गर्दा हिजो अराजक गतिविधि भएको उनले बताए । लामाले राजतन्त्र कुनैपनी हालतमा नफर्कने भन्दै तरुण दललाई सक्रिय भएर लाग्न अनुरोध गरे।
लामाले तरुण दलमा आवद्ध भएका नेताहरु देशको नेतृत्वमा पुगेको अवगत गराउँदै २०७९ सालको स्थानीय चुनावमा इन्द्रावतीमा कांग्रेस दोस्रो भएकोले अब ८४ सालको चुनावमा कांग्रेसलाई इन्द्रावतीमा जिताउन तरुण दलले उर्जा दिने समेत बताए ।
त्यस्तै विस्तारित कार्यसमितिलाई बधाई शुभकामना दिँदै पूर्व जिल्ला सचिब एवम् महाधिवेशन प्रतिनिधि बिल बहादुर तामाङले तरुण दललाई रचनात्मक रुपमा भुमिका निर्वाह गर्न अनुरोध गरे । तामाङले युवाहरुलाई नेताको प्रयोगमा नपर्न आग्रह गर्दै पार्टी भित्रको वेथिती , विसंगतिकोविरुद्ध बोल्न अनुरोध गरे।
`तरुण दल भनेको युवाको विचार हो यो विचारलाई सबै तिर छर्नुपर्छ´, उनले भने।
जनताप्रती उतरदायित्व शासन र न्यायपूर्ण समाज निर्माण गर्न तरुण दलको भूमिका अपरिहार्य भएको बताउँदै तामाङले कांग्रेस इन्द्रावतीलाई मजबुत बनाउन यो कार्यसमिति विस्तारले टेवा पुग्ने विश्वास समेत व्यक्त गरे।
नेतृत्व विकासलाई स्थापित गर्ने प्लेटफम तरुण दल भएको बताउँदै तामाङले स्वर्गीय विकास लामा सभापति हुँदा तरुण दलको सक्रियपुर्ण सहभागिता भएको समेत स्मरण गराए ।
उनले राजविरुद्व बोल्दा आफूलाई जेलमा थुनेको बताउँदै आन्दोलन र व्यवस्था परिवर्तनको नाममा लुटपाट गर्न र तोडफोड ढुंगामुढा गर्न नपाउने उनको तर्क थियो । कांग्रेसका नेताहरू लडेर ल्याएको लोकतान्त्रिक व्यवस्थालाई कसैले मास्न नसक्ने समेत बताए ।
कार्यक्रममा शुभकामना मन्तव्य राख्दै नेपाल तरुण दल सिन्धुपाल्चोकका उपाध्यक्ष जित बहादुर थिङले तरुण दल निष्कृय हुँदा कांग्रेस कमजोर बनेको इतिहासलाई अवगत गराउँदै तरुण दललाई सक्रिय बन्न र बनाउन आग्रह गरे।
यता, नेपाली कांग्रेस इन्द्रावती गाउँपालिकाका सभापति जीवन थापामगरले तरुण दल इन्द्रावतीमा सक्रिय नभएकोमा दुखेसो पोखे। मगरले अबको तरुण दलले लड्ने भनेको युवा संघ ,वाइसीएलसंग हैन भौतिक हतियारले लड्ने हैन विचारसंग लड्ने र गरिब जनताको समस्यासंग लड्न पर्ने उनले तर्क राखे।
त्यस्तै सिन्धुपाल्चोक कांग्रेस जिल्ला सदस्य सजिना श्रेष्ठले पार्टीको उर्जा र शक्ति तरुण दल भएको बताउँदै तरुण दललाई सक्रिय हुनुपर्ने उनको सुझाव थियो।
कार्यक्रममा शुभकामना मन्तव्य राख्दै इन्द्रावती गाउँपालिका ११ का वडाध्यक्ष रामजी माझीले तरुण दल नेपाली कांग्रेसको पिल्लर भएको बताउँदै यसलाई बलियो मजबुत बनाउन युवाहरु लाग्नुपर्ने उनको तर्क थियो।
त्यस्तै नेपाल भूतपुर्व सैनिक संघका गाउँपालिका अध्यक्ष एवम् बागमती प्रदेश सैनिक संघका सदस्य लिला बहादुर तामाङले भातृ संघ संस्था चलयमान हुनुपर्ने बताए। पद लिने अनि सुतेर बस्ने हैन चलयमान हुनुपर्ने बताउँदै पार्टीलाई पनि राम्रो बनाउने उद्देश्ले अगाडि बढ्नुपर्ने उनको जोड थियो।
लाक्पा लामाकै नेतृत्वमा इन्द्रावती तरुण दल कार्यसमिति विस्तार गरिएको छ भने प्रतिनिधि पनि छनौट गर्दै गाउँपालिका भित्रको १२ वटा वडामा तरुण दललाईको कार्यसमिति विस्तार गरिएको छ।
करिब एकवर्षपछि लक्पा लामाको नेतृत्वले कार्यसमिति विस्तारै गर्दै वरिष्ठ उपसभापतिमा दिलिप गौतम, उपसभापतिमा अजय तामाङ ,पवन ठकुरी सचिवमा तेज बहादुर तामाङ , दिनेश हमाल कोषाध्यक्षमा सुवास तामाङ सहसचिवमा अशोक तामाङ , तुलसी प्रसाद लम्साल त्यस्तै सदस्य हरुमा क्रमश : लक्ष्मण राणामगर , शिशिर तामाङ,शान्तामाया गोले , जमुना तामाङ , उमेश मगर,फुर्पा लामा,सिङगी लामा, अर्जुन तामाङ ,सुजन श्रेष्ठ कविराज कोइराला ,विपिन दङ्गल ,गिता भारती ,नरेन्द्र बहादुर तामाङ ,बुद्ध बानियाँ,सुमन अधिकारी , शुक्र तामाङ ,मिङमार लामा र रेशम तामाङ सर्वसम्मतिले कार्यसमिति विस्तार गरिएको छ।
