काठमाडौं - म्यानमारमा ७.७ रेक्टरको भूकम्प गएको छ ।  शुक्रबार म्यानमा र थाइल्याण्डमा शक्तिशाली भूकम्पको धक्का महसुस गरिएको छ । 

समाचार एजेन्सी एपीका अनुसार अमेरिकी भूगर्भ सर्वेक्षण र जर्मनीको जीएफजेड सेन्टर फर जियोसाइन्सले भूकम्पको केन्द्रबिन्दु म्यानमार रहेको बताएको छ ।

थाइल्याण्डको राजधानी बैंककमा पनि शक्तिशाली भूकम्पको धक्का महसुस गरिएको छ र त्यहाँका धेरै भवनहरू खाली गराइएको छ।

यूएस जियोलोजिकल सर्भेले ७.७ म्याग्निच्युडको भूकम्प गएको जनाएको छ । चीनको सरकारी समाचार एजेन्सी सिन्ह्वाले चीनको चाइना अर्थक्वेक नेटवर्क सेन्टरलाई उद्धृत गर्दै भूकम्पको तीव्रता ७.९ रहेको जनाएको छ ।