दाङ - तीर्थ यात्रामा हिँडेका दाङ तुलसीपुरका चार जनाको सवारी दुर्घटनामा परि मृत्यु भएको छ। तीर्थ यात्राका लागि गएको युपी ३१ एसी ७२०० नम्बरको स्कारपिओ भारतको बहराइचमा बिहीबार दुर्घटना भएको बताइएको छ । 

दुर्घटनामा परि गाडी चालक तुलसीपुर उपमहानगरपालिका-७ पर्सेनी निवासी ३७ वर्षीय युवराज चापागाईँ र सोही वडाका जितबहादुर वलीसहित चार जनाको मृत्यु भएको जिल्ला प्रहरी कार्यालय दाङले जानकारी दिएको छ। अन्य दुई जनाको पहिचान खुलेको छैन । 

गाडीमा नौ जना सवार रहेको र सबै तुलसीपुरकै रहेको खुलेको छ। अन्य पाँच जना घाइतेहरूको भारतमा उपचार भइरहेको जनाइएको छ ।