बुटवल - चालु आर्थिक वर्ष २०८१/८२ को आठ महिनामा लुम्बिनी प्रदेश सरकारले चालु तथा पुँजीगत गरी कुल ३१.५७ प्रतिशत बजेट खर्च गरेको छ ।
चालु आवका लागि पुँजीगततर्फ २४ अर्ब ५८ करोड ५९ लाख रुपियाँ विनियोजन गरेकोमा आठ महिनामा सात अर्ब ३३ करोड आठ लाख ६२ हजार ४३८ रुपियाँ अर्थात् २९.८२ प्रतिशत मात्रै खर्च भएको छ ।
त्यसै गरी चालुतर्फ १४ अर्ब ३८ करोड ११ लाख रुपियाँ विनियोजन भएकोमा चार अर्ब ९७ करोड २१ लाख ५३ हजार ३२९ रुपियाँ अर्थात् ३४.५७ प्रतिशत बजेट मात्रै खर्च भएको प्रदेश लेखा नियन्त्रकको कार्यालयले जनाएको छ ।
प्रदेश सरकारले चालु आवका लागि ३८ अर्ब ९७ करोड रुपियाँको बजेट प्रदेश सभामा प्रस्तुत गरेको थियो । ऊर्जा, जलस्रोत तथा सिँचाइ मन्त्रालयले २४.५३ प्रतिशत खर्च गर्दा सबैभन्दा कम महिला, बालबालिका तथा ज्येष्ठ नागरिक मन्त्रालयले चालूतर्फ २.३२ प्रतिशत बजेट खर्च गरेको छ भने पुँजीगततर्फ खर्च नभएको कार्यालयले जानकारी दिएको छ ।
त्यसै गरी कृषि तथा भूमि व्यवस्था मन्त्रालयले ३१.६८ प्रतिशत बजेट खर्च गरेको छ । आन्तरिक मामिला कानुन तथा सहकारी मन्त्रालयको ११.३९ प्रतिशत बजेट खर्च भएको छ भने वन तथा वातावरण मन्त्रालयको २८ क प्रतिशत बजेट खर्च भएको छ।
