काठमाडौं - लेबनानले इजरायलमा केही रकेट प्रहार गरेपछि इजरायलले लेबनानमा धेरै हवाई आक्रमण गरेको छ । इजरायली सेनाले दक्षिणी लेबनानमा इरान समर्थित हिजबुल्लाहसँग सम्बन्धित दर्जनौं रकेट लन्चर र कमाण्ड सेन्टरलाई निशाना बनाएको बताएको छ।

लेबनानको स्वास्थ्य मन्त्रालयले इजरायली हमलामा बालबालिकासहित ७ जनाको मृत्यु भएको र ४० जना घाइते भएको जनाएको छ । लेबनानमा हिजबुल्लाह र प्यालेस्टिनी समूह लगायत धेरै सशस्त्र समूहहरू सक्रिय छन् र इजरायलमा प्रहार गरिएको रकेटको जिम्मेवारी कसैले लिएको छैन। 

इजरायलको यो आक्रमणलाई नोभेम्बरमा युद्धविरामपछिको सबैभन्दा गम्भीर आक्रमणको रूपमा लिइएको छ।

लेबनानबाट शनिबारको रकेट आक्रमण यस्तो समयमा भएको हो जब इजरायलले केही दिन अघि गाजामा हिजबुल्लाहको सहयोगी हमास विरुद्धको आक्रमणलाई तीव्र पारेको छ। इजरायली सेनाले उत्तरी इजरायली शहर मेतुलामा तीनवटा रकेट प्रहार गरेको र आक्रमणमा कुनै हताहत नभएको बताएको छ।

हिजबुल्लाहले यी आक्रमणहरूबाट आफूलाई टाढा राखेको छ र यसमा आफ्नो कुनै संलग्नता नभएको र युद्धविरामप्रति प्रतिबद्ध रहेको बताएको छ।