काठमाडौं - नेपाल बाल साहित्य समाजको अध्यक्षमा विजयराज आचार्य निर्वाचित भएका छन्।
आचार्य ले ४२ मत पाउँदै निर्वाचित हुँदा उनका निकटम प्रतिद्वन्दी डाक्टर शशि थापाले २७ मत मात्रै प्राप्त गरे।
त्यस्तै उपाध्यक्ष तर्फ पनि विजयराज न्यौपाने ४० मत ल्याएर विजयी हुँदा उनका प्रतिद्वन्दी डाक्टर यादवी ढकालले २८ मत प्राप्त गरे।
कोषाध्यक्षमा भने डाक्टर सितादेवी सुवेदी ४० मत ल्याउँदै विजयी हुँदा उनका प्रतिद्वन्दी राजेन्द्र भक्त जोशीले २९ मत प्राप्त गरे।
महासचिव भने डाक्टर विष्णुकुमार खत्री (विष्णु केसी) निर्वाचित भएका छन् ।
सदस्यहरूमा भने क्रान्ति पाण्डे ,समन श्रेष्ठ ,केशव पराजुली,अर्पिता शाक्य ,अनिरुद्रा अर्याल र यशोदा अधिकारी निर्वाचित भएको नेपाल बाल साहित्य समाज निर्वाचन समिती का संयोजक डाक्टर शैलेन्दुप्रकाश नेपालले जानकारी दिए।
साहित्य समाजको निर्वाचन आज भएको हो।
