डढेलोको सुराकी दिनेलाई पाँच हजार पुरस्कार, नाम गोप्य राखिने
सिन्धुली - फिक्कल गाउँपालिकाले जङ्गलमा डढेलो लगाउने व्यक्तिको सुराकी दिनेलाई पाँच हजार रुपैयाँ पुरस्कार दिने घोषणा गरेको छ।
गर्मी र सुक्खा मौसम बढेसँगै गाउँपालिकाभित्र रहेका जङ्गलमा डढेलो लगाउने क्रम बढेकाले त्यसलाई नियन्त्रण गर्न उक्त पुरस्कारको घोषणा गरेको गाउँपालिकाले जनाएको छ। गाउँपालिकाका उपाध्यक्ष राजु बरालले डढेलो लगाउनेको सुराकी दिने व्यक्तिको परिचयसमेत गोप्य राखिने बताए।
डढेलोले जनधनको क्षति हुने भएकाले त्यसको नियन्त्रण गर्न उक्त उपाय अपनाइएको उनले बताए । सुक्खा मौसममा डढेलो लाग्ने सम्भावना धेरै हुने र हावाहुरीले त्यसलाई अझ बढाई क्षति धेरै हुने गाउँपालिकाले जनाएको छ।
प्रकाशित मिति: शनिबार, चैत ९, २०८१ १३:१५
प्रतिक्रिया दिनुहोस्
साताको लोकप्रिय
