नुवाकोट - विदुर नगरपालिका, स्वास्थ्य शाखाको आयोजनामा नुवाकोटमै पहिलो पटक क्षयरोगको पहिचान सम्बन्धी निःशुल्क शिविर भएको छ । उक्त शिविरमा ३७३ जनाको स्वास्थ्य परीक्षण गरिएको विदुर नगरपालिकाका स्वास्थ्य शाखा प्रमुख रामराजा भण्डारीले जानकारी दिए ।
यही चैत ८ र ९ गते विदुर - ५ को देवीघाट जेष्ठ नागरिक संरक्षण तथा अध्ययन प्रतिष्ठानको भवनमा १६५ जना र विदुर -१० को शहरी स्वास्थ्य केन्द्र, गेर्खुटारमा २०८ जनाको एआई एक्सरे मार्फत क्षयरोगको पहिचान सम्बन्धी निःशुल्क शिविर भएको थियो ।
उक्त शिविरमा एआई एक्सरेबाट परीक्षण गर्दा शंकास्पद देखिएका ४९ जनाको खकार नमुना थप परीक्षणको लागी त्रिशूली अस्पतालमा पठाइएको भण्डारीले बताए । ।
दुई दिने शिविरमा नगरप्रमुख राजन श्रेष्ठ, प्रमुख प्रशासकीय अधिकृत सुभाकर पौडेल , वडाध्यक्षहरु त्रिशुली अस्पताल व्यवस्थापन समितिका अध्यक्ष उपेन्द्र बुढाथोकीलगायतको सहभागिता रहेको थियो।
उक्त कार्यक्रममा विदुर नगरपालिका,क्षयरोग नियन्त्रण केन्द्र, ठिमी भक्तपुर र त्रिशुली अस्पताल, नुवाकोटका चिकित्सक तथा स्वास्थ्य प्राविधिकहरु बाट सेवा प्रदान गरिएको थियो।
