सिन्धुपाल्चोक - इन्द्रावती गाउँपालिकामा यस वर्ष जम्मा ३०६ जना विद्यार्थीले एसइई परीक्षामा सहभागी भएका छन् । दुईवटा केन्द्रबाट नियमिततर्फ २६० र ४६ जना ग्रेड वृद्धि गरी ३०६ जनाले परीक्षा दिन लागेका हुन्।
पालिकामा रहेका १२ वटा माध्यमिक विद्यालयहरूमध्ये ११ वटा माध्यमिक विद्यालयका विद्यार्थीहरूलाई सहभागी गराएर ऐसेलुखर्क माध्यमिक विद्यालय र राजेश्वरी माध्यमिक विद्यालयमा केन्द्र तोकी एसइईको परीक्षा सञ्चालन हुँदैछ।
यता ऐसेलुखर्क माध्यमिक विद्यालयका एसइईमा सहभागी ४८ जना विद्यार्थीहरूमध्ये साधारण धारका २२ जना इन्द्रेश्वरी माध्यमिक विद्यालय मेलम्ची र कृषि प्राविधिक धारका २६ जना विद्यार्थीहरूले भने चौतारामा रहेको कृष्ण रत्न गंगा माविमा परीक्षा दिने भएका छन् ।
राजेश्वरी माध्यमिक विद्यालय परीक्षा केन्द्रमा सेतीदेवी माविका १५ जना चण्डेश्वरी माविका ३३ जना कमलादेवी माविका १३ तिनधारा जनता मावि का २७ जना सिपा ३ घरे संस्कृत माविका तीनजना र भीमेश्वरी माविका २० जना गरी १११ जना विद्यार्थीहरू परीक्षामा सहभागी रहेको केन्द्राध्यक्ष तथा विद्यालयका प्रधानाध्यापक सुदर्शन पराजुलीले जानकारी दिए ।
त्यस्तै ऐसालु खर्क माध्यमिक विद्यालय केन्द्रमा सिम्पालेश्वरी माध्यमिक विद्यालयका २० जना महेन्द्र माध्यमिक विद्यालयका ३४ जना सिम्हमती माध्यमिक विद्यालयका २१ जना नवलपुर माध्यमिक विद्यालयका ३४ जना र राजेश्वरी माध्यमिक विद्यालयका ३८ जना गरी १४७ जना विद्यार्थीहरु सहभागी रहेको केन्द्र अध्यक्ष तथा विद्यालयका प्रधानाध्यापक सुरेश कृष्ण श्रेष्ठले जानकारी दिए ।
