नवलपुर - इन्द्रावती गाउँपालिकाका अध्यक्ष झम्कनाथ नेपालले वन डढेलो लगाएको कारण जलवायु परिवर्तन भएको बताए। अध्यक्ष नेपालले सिन्धुपाल्चोक सामुदायिक वनको जननी जिल्ला भएको बताए ।
सब डिभिजन वन कार्यालय नवलपुरको आयोजनामा मंगलबार नवलपुरमा भएको वन डढेलो सचेतना सप्ताह तथा प्रभातफेरी कार्यक्रम बोल्दै नेपालले जलवायु परिवर्तन भएकै कारण अक्सिजनको कमी भएकोले मानवीय जीवन विभिन्न रोगहरू लाग्ने गरेको बताए।
राम्रो कामको मात्रै दायित्व लिने बानीको अन्त्य गर्नुपर्ने बताउँदै नराम्रो काम को पनि औँल्याउन र दायित्व जिम्मेवार लिनुपर्नेमा उनको जोड थियो। जलवायु परिवर्तनको असर र प्रभावलाई न्यूनीकरण गर्न बिरुवा रोप्न अध्यक्ष नेपालले सबैलाई आग्रह गरे।
वनमा डढेलो लाग्न नदिन वनको सम्वर्धन व्यवस्थापन गर्न नाङ्गो डाँडामा बिरुवा रोप्नु पर्ने उनले बताए ।
त्यस्तै इन्द्रावती गाउँपालिकाका प्रमुख प्रशासकीय अधिकृत पुर्ण प्रसाद दुलालले वन सबैको साझा सम्पत्ति भएकोले वनको संरक्षण गर्न सबै लागि पर्नुपर्ने बताए। वनको संरक्षण गर्न हाम्रो ध्यानाकर्षण कम छ त्यसैले वन मानवीय जीवनमा गाँसिएकोले यसको संरक्षणमा सबै लागि पर्नु पर्ने उनको भनाइ छ ।
प्रभातफेरी कार्यक्रममा बोल्दै इन्द्रावती गाउँपालिका वडा नम्बर ४ का वडाध्यक्ष क्षेत्र बहादुर तामाङले गाउँ बस्ती टोलसम्म नै जनचेतना पुर्याउन सकेमात्रै वनको संरक्षण गर्न सकिने बताए। तामाङले वनको संरक्षण गर्न सकेमा मानवीय जीवन लाई फाइदा समेत हुने बताए।
कार्यक्रम बोल्दै इलाका प्रहरी कार्यालयका प्रहरी निरीक्षक जय नेपाल थापाले पर्यावरण लाई सन्तुलन गर्न भएपनि वनमा डढेलो लगाउन नहुने बताए। थापाले वनमा डढेलो लगाउन हुँदैन भनेर थाहा हुँदा हुँदै पनि वनमा आगलागी भएकोले त्यसको अनुसन्धान गरेर कारबाही गर्ने बताए। वनमा डढेलो लगाउनु परेमा पानी पोखरीको व्यवस्थापन गरेर मात्रै लगाउनु पर्ने र लगाइसकेपछि राम्रोसँग आगोलाई निभाउन उनले सुझाव दिए ।
त्यस्तै सल्लेनि घारी बन पाखा उपभोक्ता समितिका अध्यक्ष राजेश अधिकारीले चेतनामा कमी भएकोले वन डढेलो भएको जिकिर गर्दै वनमा आगो लगायो भने बँदेल बाँदर नियन्त्रण गर्न सकिन्छ भन्ने भ्रामक कुरा भएको बताए । सचेतना फैलाउनु पर्छ,वन संरक्षण गर्न उपभोक्तको भुमिका महत्त्वपूर्ण हुन्छ, उनले भने ।
गाउँपालिकाका जनप्रतिनिधिहरु,सहकारी संस्थाका प्रतिनिधिहरू, पालिकाका कर्मचारी लगायतको उपस्थितिमा कार्यक्रम सम्पन्न गरिएको नवलपुर सव डिभिजन कार्यालयका प्रमुख पन्नलाल चौरसियाले बताए।
