बझाङमा फेरि जीप दुर्घटना, चालकको मृत्यु
बझाङ - जिल्लाको मष्टा गाउँपालिका- १ कोटदेवलमा जीप दुर्घटना एकजनाको मृत्यु भएको छ । जीप चालक मष्टा गाउँपालिका-१ रनाडाका ४२ वर्षीय धर्म थापाको मृत्यु भएको प्रहरीले जानकारी दिएको छ।
सुदूरपश्चिम प्रदेश ००१ ज १३९८ नम्बरको जीप भातेखोलाबाट रनाडा जाने क्रममा मष्टा गाउँपालिका-१ कोटदेवलमा दुर्घटना भएको जिल्ला प्रहरी कार्यालय बझाङले जनाएको छ। जीप सडकबाट १०० मिटर तल खसेको प्रहरीले जानकारी दिएको छ।
जीपमा चालक थापा मात्रै सवार रहेको मष्टा गाउँपालिका-१ का वडाध्यक्ष रामचन्द्र रोकायाले बताए ।
प्रकाशित मिति: शुक्रबार, पुस १९, २०८१ १२:५३
प्रतिक्रिया दिनुहोस्
-1736338790.png)
साताको लोकप्रिय
