
सिन्धुपाल्चोक - इन्द्रावती गाउँपालिका वडा नम्बर ५ले आयोजना गरेको गाउँपालिका स्तरीय वडाध्यक्ष कप भलिबल प्रतियोगिताको उपाधि इन्द्रावती गाउँपालिका वडा नम्बर ५ 'ए' ले जितेको छ।
विजेताले शिल्ड मेडल, प्रमाणपत्रसहित नगद ३० हजार रुपैयाँ हात पारेको छ । वडा ७ ले शिल्ड, मेडल प्रमाणपत्र सहित २० हजार नगद हात पार्दा तेस्रो हुन सफल वडा नम्बर ५ बि ले १५ हजार नगदसहित शिल्ड,मेडल र प्रमाणपत्र हात पार्यो ।
तेस्रो स्थानको लागि भएको खेलमा आयोजक वडा नम्बर ५ बि ले वडा नम्बर ६ लाई बेस्ट अफ थ्री मा पराजित गरेको थियो
कार्यक्रममा शुभकामना मन्तव्य राख्दै गाउँपालिकाकी उपाध्यक्ष शोभाना तामाङले प्रतियोगिताको अवधि भरी नियम पालन गरेर अनुशासनमा बसेर खेल खेलेकोमा खेलाडीहरूलाई धन्यवाद दिइन्।
उपाध्यक्ष तामाङले खेलाडीहरूले खेलको माध्यमबाट अन्तर्राष्ट्रिय रुपमा चिनाउन सफल भएकोमा खुशी व्यक्त गरिन्। खेलाडीहरुको गहना नै अनुशासन भएको तामाङले बताए।आगामी दिनमा पनि यस्तै प्रतियोगिताहरू आयोजना गर्ने प्रतिबद्धता समेत जनाइन्।
त्यस्तै कार्यक्रममा शुभकामना मन्तव्य राख्दै इन्द्रावती गाउँपालिका वडा नम्बर ५ का वडाध्यक्ष शशिनाथ आचार्यले भलिबल प्रतियोगितामा सहयोग गर्ने सबैलाई धन्यवाद दिँदै युवाहरूको शारीरिक, मानसिक र भावानात्मक विकास गर्न यस्तो प्रतियोगिताको आयोजना गरेको बताए। वडाध्यक्ष आचार्यले वैशाख ३ गते बाट अध्यक्ष कप फूटबल हुने जानकारी दिँदै प्रतियोगितामा खेलाडी हरूलाई आफ्नो प्रतिभा प्रस्फुटन गर्न अनुरोध गरे।
प्रतियोगितामा इन्द्रावती गाउँपालिका वडा नम्बर ५ बि का सोम बहादुर तामाङ बेस्ट लिबेरो घोषणा हुँदा ५ ए कै शुक्र तामाङ बेस्ट सरभर घोषित भए।
त्यस्तै बेस्ट ब्लकरको रुपमा इन्द्रावती ५ ए कै सुदिप तामाङ घोषण भए भने इन्द्रावती ७ का निरन्जन ढुंगाना बेस्ट सेटर इन्द्रावती ७ कै सुबास न्यौपाने बेस्ट स्पाइकर घोषण हुँदा इन्द्रावती ५ ए कै मिङमार लामा बेस्ट प्लेयर बने।
कार्यक्रममा वडा नम्बर ५ का खेलकुद संयोजक नवराज कटुवालले स्वागत मन्तव्य प्रस्तुत गरेका थिए। फागुन २७ गते देखि संचालन भएको प्रतियोगिता मा ११ टिमले सहभागीता जनाएको थियो।