निर्भाना एकेडेमीले दोस्रोपटक कला प्रदर्शनी गर्दै

काठमाडौं - निर्भाना एकेडेमीले कला प्रदर्शनी गर्ने भएको छ । सीतापाइलामा रहेको एकेडेमीले फागुन २३ र २४ गते ‘दोस्रो निर्भाना आर्ट एक्जिभिसन २०८१’ गर्न लागेको हो । एकेडेमीकी आर्ट शिक्षक पुनम मास्केले प्रदर्शनीमा शिक्षक र विद्यार्थी दुवैको कला राखिने बताइन् ।
नेपाल आर्ट काउन्सिल बबरमहलमा बिहान १० बजेदेखि ४ बजेसम्म प्रदर्शनी हुनेछ । बालबालिकाहरूलाई आर्टबारे जानकारी दिन र आर्टबाट पनि जीवन चलाउन सकिन्छ भन्ने बुझाउनु प्रदर्शनीको उद्देश्य रहेको उनले बताइन् । ‘विद्यार्थीहरूलाई विद्यालयबाट बाहिर ल्याएर आर्टको बजार, स्कोप के कस्तो छ बुझ्नु पनि हो’ उनले भनिन् ।
विद्यार्थीका कलाहरू २५० रुपैयाँदेखि ५ हजारसम्म मूल्य पर्ने छन् भने शिक्षकहरूको १५ हजारसम्म मूल्य पर्ने छन् ।
प्रकाशित मिति: बिहीबार, फागुन २२, २०८१ २२:१०
प्रतिक्रिया दिनुहोस्
साताको लोकप्रिय