काठमाडौं - मेलम्ची खानेपानीको पाइप फुटेर भत्किएको बबरमहलको सडक कालोपत्रे गरिएको छ । सडक डिभिजन कार्यालयले उक्त सडक कालोपत्रे गरेको इन्जिनियर अर्जुन नेपालीले जानकारी दिए । गत माघ ३० गते मेलम्चीको पाइप फुट्दा बबरमहल क्षेत्र डुबानमा परेको थियो भने सडकमा ठूलो खाल्डो परेको थियो ।
विद्युत् प्राधिकरणले तार अन्डरग्राउण्ड गर्ने क्रममा खानेपानीको पाइपमा खन्दा पाइप फुटेको थियो । सडक निर्माणमा ३० लाख खर्चको अनुमान गरिएको छ । उक्त रकम नेपाल विद्युत् प्राधिकरणको तार भूमिगत गर्ने ठेक्का पाएको कम्पनीले व्यहोर्ने उनले जानकारी दिए । ४० घनमिटर जति सडक बनेको उनले बताए ।
बबरमहलमा पाइप फुट्दा १० हजार लिटर खानेपानी खेर गएको थियो । विभिन्न सरकारी कार्यालयसमेत डुबानमा पर्दा धेरै क्षति भएको थियो । मंगलबार थापाथलीमा पनि मेलम्ची खानेपानीको पाइप फुटेको छ । पाइप फुट्दा सो क्षेत्रमा बाढी आएको थियो ।
यो पनि पढ्नुहोस
यो पनि पढ्नुहोस
यो पनि पढ्नुहोस
यो पनि पढ्नुहोस
यो पनि पढ्नुहोस
यो पनि पढ्नुहोस
