काठमाडौं - काठमाडौंको थापाथली क्षेत्र मंगलबार बिहान ‘जलप्रलय’ जस्तै बनेको छ। मेलम्चीको मुख्य पाइप लाइन फुटेपछि सडक जलमग्न भएको छ, जसले गर्दा प्रसूतिगृह जाने मार्ग अवरुद्ध भएको छ।

पानीको उच्च चापले पाइप फुट्दा सडकमै करिब दुई मिटर चौडा र दुई मिटर गहिरो खाल्डो परेको छ। स्थानीयवासी र यात्रुहरूलाई आवतजावत गर्न कठिनाइ भएको छ।

खानेपानी विभाग र सुरक्षाकर्मीहरू घटनास्थलमा पुगेर अवस्था नियन्त्रणमा ल्याउने प्रयास गरिरहेका छन्। हालसम्म पाइप फुट्ने कारण खुल्न सकेको छैन। सुरक्षाका लागि खानेपानी सेवा अस्थायी रूपमा बन्द गरिएको छ।

यसअघि पनि काठमाडौंको बबरमहल क्षेत्रमा यस्तै घटना दोहोरिएको थियो। मेलम्चीको पाइप व्यवस्थापनमा लापरवाहीका कारण पटक–पटक यस्ता घटनाहरू भइरहेकाले यसबारे गम्भीर अध्ययनको आवश्यकता रहेको विज्ञहरूको भनाइ छ।

यो पनि पढ्नुहोस

 थापाथलीमा मेलम्चीको पाइप फुट्यो