काठमाडौं - सिन्धुपाल्चोकको भैरव कुण्ड आसपास केन्द्रबिन्दु भएर  ६.१ रेक्टरकाे भूकम्प गएको छ।

राष्ट्रिय भूकम्प मापन तथा अनुसन्धान केन्द्रका अनुसार बिहान २ बजेर ५१ मिनेटमा गएको भूकम्पको धक्का काठमाडौं उपत्यका सहित आसपासका जिल्लाहरूमा महसुस गरिएको छ।

हालसम्म मानवीय तथा भौतिक क्षतिको विवरण आएकाे छैन ।  सिन्धुपाल्चोक आसपासमा भूकम्प चार पटकसम्म महसुस गरिएको  स्थानीयले जनाएका छन्।

नेपाल भौगोलिक रूपमा उच्च भूकम्पीय जोखिम रहेको क्षेत्र हो, जहाँ भारतीय र यूरेसियन टेक्टोनिक प्लेटहरू आपसमा ठोक्किनाले पटक–पटक भूकम्पहरू आउने गर्छन्।