ललितपुर - ललितपुरको इमाडोलस्थित एउटा रंग पसलमा आगलागी भएको छ । जिल्ला प्रहरी परिसर ललितपुरका सूचना अधिकारी एवं प्रहरी उपरीक्षक नरहरि रेग्मीले दिएको जानकारी अनुसार महालक्ष्मी नगरपालिका–१ इमाडोलको रंग पसलमा साँझ आगलागी भएको हो ।

प्रहरी र दमकलसहितको टोलीले आगलागी नियन्त्रणमा लिएकाे स्थानीय डेन्टल सञ्चालक दीपेन्द्र शाहले जानकारी दिए । आगाे निभाउन पाँच वटा वारुणयन्त्र आएका थिए । रंग पसलमा लागेकाे आगाेले दाेस्रो तलामा रहेको मनकामना डेन्टलमासमेत क्षति पुर्याएकाे थियो  । आगाे के कारण लागेको खुल्न सकेको छैन । आगलागीबाट भएको  क्षतिको विवरण संकलन भइरहेको प्रहरीले जनाएको छ ।