पूर्वराजाले अरू राजनीतिक दलका नेताजस्तो बोल्न सुहाउँदैन - रघुजी पन्त
काठमाडौं - नेकपा एमालेका सांसद रघुजी पन्तले देशले दिएको सम्मान पूर्वराजा ज्ञानेन्द्र शाहले बोक्न सक्नुपर्ने बताएका छन् ।
मंगलबार संसद भवन नयाँ बानेश्वरमा सञ्चारकर्मीसँग कुरा गर्दै पन्तले पूर्वराजाले अरू राजनीतिक दलका नेताजस्तो बोल्न नसुहाउने भन्दै पूर्वराजाको हैसियतमा देशले दिएको सम्मान बोक्न सक्नुपर्ने बताएका हुन् ।
पूर्वराजाले मान्छेलाई आह्वान गरेर जुलुसमा साथ दिनुपर्यो भन्दा नेपाली जनता र राजनीतिक दलहरू मिलेर निर्मल निवास घेरे भने के हुन्छ ? भन्दै उनले प्रश्न गरे । गणतन्त्र आएपछिको मुलुकको विकास असाधारण ढंगले भएको भन्दै उनले जनतामा निराशा छर्ने प्रयास कसैले गर्न नहुने धारणा राखे ।
सांसद पन्तले एउटा संसदका सदस्यले अर्को सदनका सदस्यलाई लाञ्छना लाउने काम गर्न नहुने बताए ।
प्रकाशित मिति: मंगलबार, फागुन १३, २०८१ २०:०३
प्रतिक्रिया दिनुहोस्
साताको लोकप्रिय
-1739869861.png)
