काठमाडौं - जारी केपी ओली कप अन्तर्गत आज दुई खेल हुँदै छ ।

आज पहिलो खेल एपीएफ क्लब र संकट क्लबबीच हुनेछ । यस अघि आइतबार सम्पन्न उद्घाटन खेलमा एपीएफले उज्बेकिस्तानको ब्ल्याक बुल्सलाई टाई ब्रेकरमा पराजित गरेर प्रतियोगिताको क्वाटरफाइनलमा पुगेको थियो ।

यो खेल बिहान साढे ११ बजे सुरु हुने छ । त्यस्तै दोस्रो खेल मछिन्द्र क्लब र भुटानको क्लब ट्रान्सपोर्ट युनाइटेडबीच हुनेछ । यो खेल अपरान्ह ३ बजेदेखि सुरु हुने छ । दुवै खेल एन्फा कम्प्लेक्समा हुने छन् ।

यसअघि सोमबार सम्पन्न खेलमा त्रिभुवन आर्मी क्लबले नेपाल पुलिसलाई पराजित गरेर सेमिफाइनलमा पुगेको छ भने केपी ओली एफसीले न्यूरोड टिमलाई पराजित गर्दै सेमिफाइनलमा पुगेको छ ।