प्रकृति लम्सालको स्वर्गद्वारी घाटमा अन्त्येष्टि
काठमाडौं - भारतको ओडिसास्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा मृत्यु भएकी नेपाली विद्यार्थी प्रकृति लम्सालको अन्त्येष्टि गरिएको छ ।
उनको स्वर्गद्वारी घाटमा अन्त्येष्टि गरिएको रुपन्देही प्रहरीका सूचना अधिकारी डीएसपी सुरज कार्कीले जानकारी दिए ।
उनको शव गएराति १२ बजे रुपन्देहीको सिद्धार्थननगर नगरपालिका ८ स्थित बैंकरोड कोलोनीमा ल्याइएको थियो । त्यसपछि स्वर्गद्वारी घाटमा लगेर अन्त्येष्टि गरिसक्दा आज बिहान चार बजेको थियो ।
डिएसपी कार्कीका अनुसार प्रकृतिको शव ओडिसाबाट गोरखपुरसम्म हवाईजहाजमा र गोरखपुरबाट घरसम्म गाडीमा ल्याइएको थियो ।
ओडिसाको राजधानी भुवनेश्वरस्थित केआईआईटी विश्वविद्यालयको कलेजमा बी–टेक अध्ययन गरिरहेकी प्रकृति गत आइतबार होस्टलको कोठामा झुण्डिएको अवस्थामा मृत फेला परेकी थिइन् ।
प्रकाशित मिति: बिहीबार, फागुन ८, २०८१ ०८:१७
प्रतिक्रिया दिनुहोस्
साताको लोकप्रिय
-1739869861.png)
