काठमाडौं - बबरमहलस्थित नेपाल आर्ट काउन्सिलमा ‘वुमन इन आर्ट’ शीर्षकमा महिला कलाकारहरूका सामूहिक कला प्रदर्शनी भइरहेको छ। महिलाले आफ्नो थुप्रै पहिचान र परिचयका साथ न्याय गर्दै पनि सिर्जनाको माध्यमबाट गर्ने अनुभूति, खुसी, गौरवका चित्रकलाको प्रदर्शनी फागुन ४ बाट सुरु भएको हो। 

चित्रले समाज र देशको समृद्धिका लागि दिने सन्देशसहितका १४ जना कलाकारको सिर्जना एकै स्थानमा हेर्न सकिनेछ। 

प्रदर्शनीमा नेपाल ललितकला प्रज्ञा–प्रतिष्ठानका पूर्वकुलपति रागिनी उपाध्याय, सविता डङ्गोल, एरिना ताम्राकार, विधाता केसी, सुशीला सिंह, महिमा सिंह, कृषा ताम्राकार, प्रमिला वज्राचार्य, रजनी सिङ्ख्वाल, रन्जु यादव, सङ्गी श्रेष्ठलगायतका चित्रले नेपालको सबै क्षेत्रका लोक र मौलिक चित्र बनाउने शैली र विविधतालाई झल्काउँछ।

फागुन १६ गतेसम्म सो प्रदर्शनी चल्नेछ।