प्रधानमन्त्री ओलीलाई युएईको वर्ल्ड गभर्मेन्ट समिटमा सहभागिताका लागि निमन्त्रणा
काठमाडौं - प्रधानमन्त्री केपी शर्मा ओलीसँग नेपालका लागि संयुक्त अरब इमिरेट्स (युएई) का राजदूत अब्दुल्लाह अल शम्सीले सोमबार शिष्टाचार भेट गरेका छन् ।
प्रधानमन्त्री निवासमा भएको भेटमा राजदूत शम्सीले फेब्रुअरी दोस्रो सातामा दुबईमा आयोजना हुने ‘वर्ल्ड गभर्मेन्ट समिट’मा सहभागिताका लागि युएईका उपराष्ट्रपति तथा प्रधानमन्त्री मोहम्मद बिन रसिद अल माक्टुमको निमन्त्रणापत्र हस्तान्तरण गरे ।
भेटमा द्विपक्षीय सम्बन्ध, व्यापार, लगानी, कृषि, जलविद्युत् र पर्यटन प्रवर्द्धनजस्ता विषयमा छलफल भएको थियो। साथै, अघिल्ला सम्झौताहरूको प्रभावकारी कार्यान्वयनमा पनि ध्यान केन्द्रित गरियो।
प्रकाशित मिति: बुधबार, पुस ३, २०८१ १३:२८
प्रतिक्रिया दिनुहोस्
साताको लोकप्रिय
