इन्द्रावती -७ मा ‘जनयुद्ध दिवस’मनाउन सार्वजनिक बिदा
सिन्धुपाल्चोक - इन्द्रावती गाउँपालिका वडा नं. ७, सिपापोखरेले फागुन १ गते सार्वजनिक बिदा दिएको छ । ‘जनयुद्ध दिवस’ मनाउन भन्दै वडा स्तरीय निर्णय गरेर सरकारी कार्यालय, विद्यालयलगायतमा बिदा दिइएको वडाले जारी गरेको सूचनामा भनिएको छ ।
गाउँपालिकाले बिदा नदिएपनि वडाध्यक्ष रविन्द्र कुमार खातीले वडाको निर्णय भन्दै बिदा दिएका हुन् । अहिलेको लोकतन्त्रको जग जनयुद्ध भएकाले बिदा दिइएको उनले बताए । तर कानुनत वडाले सार्वजनिक बिदा दिन भने मिल्दैन । गाउँपालिका वा नगरपालिकालाई भने स्थानीय आवश्यकताअनुसार बिदा दिन सक्ने अधिकार छ ।
प्रकाशित मिति: बिहीबार, फागुन १, २०८१ १०:२५
प्रतिक्रिया दिनुहोस्
साताको लोकप्रिय
