काबुल - तालिबानका उप विदेश मन्त्री शेर मोहम्मद अब्बास स्टानिकजाइलाई देश छोड्न बाध्य पारिएको छ । 

उनी हालै अफगानिस्तान छोडेर युएई गएका छन् । स्टानिकजाईले अफगानिस्तानमा केटीहरूको शिक्षामाथि प्रतिबन्ध लगाउने तालिवानको निर्णयको आलोचना गरेका थिए। 

तालिबानले अफगान केटीहरूलाई माध्यमिक र उच्च शिक्षामा प्रवेश गर्न प्रतिबन्ध लगाएको छ। जनवरी २० मा पाकिस्तानको सीमा नजिकैको खोस्ट प्रान्तमा एक स्नातक समारोहमा बोल्दै स्टानिकजाईले भनेका थिए, ‘पैगम्बर मोहम्मदको समयमा पनि पुरुष र महिलाका लागि शिक्षाको बाटो खुला थियो। त्यहाँ त्यस्ता उल्लेखनीय महिलाहरू थिए कि यदि मैले तिनीहरूको योगदानको बारेमा विस्तृत रूपमा लेख्ने हो भने यसले मलाई धेरै समय लिनेछ।’ 

स्टानिकजाईको यो बयानपछि तालिबान नेता मुल्लाह अखुन्दजादाले उनलाई पक्राउ गर्न आदेश दिएका थिए । सो आदेश पछि उनी देश छाडेर संयुक्त अरब इमिरेटस (युएई)मा शरण लिन पुगेका हुन् । 

तालिवानले गत महिना महिलाको नर्सिङ तालिममा पनि प्रतिबन्ध लगाएको थियो। समाचार एजेन्सी एएफपीका अनुसार तालिवान सरकारको निर्णय डिसेम्बरमा काबुलमा स्वास्थ्य अधिकारीहरूको बैठकमा घोषणा गरिएको थियो। 

अफगानिस्तानको स्वास्थ्य मन्त्रालयका एक अधिकारीका अनुसार यस विषयमा कुनै आधिकारिक बयान आएको छैन तर बैठककै क्रममा उनले अब महिला र केटीहरूले यी संस्थाहरूमा पढ्न नपाउने बताएका थिए। तर, यसका लागि कुनै कारण भने दिइएको छैन। 

क्रिकेटर राशिद खानले पनि तालिवानको निर्णयप्रति चिन्ता व्यक्त गरेका थिए । उनले भने कि तालिवानको यो निर्णयले अफगानिस्तानमा गहिरो प्रभाव पार्नेछ, किनभने देश पहिले नै मेडिकल र प्यारामेडिकल स्टाफको अभावको सामना गरिरहेको छ।